رفيقك اليومي في تفعيل اكواد شرائح الهاتف
هذا التطبيق الجزائري راح ينقص عليك وقت وجهد كبير 👇
هادا تطبيق اسمو "أكواد متعاملي الهاتف الجزائري" متوفر على المنصات (اندرويد/ قريبا على الايفون)، تطبيق رهيب جدا راح يختصر عليك وقت كبير،
واش فيه:
- يعطيلك مجموعة من أكواد لمشغلي الهاتف المحمول موبيليس ودجيزي و اوريدو. والللي تاكتيفيها غير بضغطة واحدة.
- لي كود لي فيه مرتبين و مصنفين لسهولة الوصول
- فيه خاصية المفضلة
- يدعم تقريبا جميع هواتف اندرويد القديمة والجديدة
- التطبيق يدعم شريحتين واكثر(لي عندو دوبل ولا طريبل شريحة)
- التطبيق يعرف وحدو وش من شريحة اللي راك مركبها ويخيرها، وثاني يخير وحدو الشريحة لي راح ينفذ فيها الكود، غير كليكي وكلش فاري، واللي مركب 2 شرائح او اكثر من نفس النوع راح يعطيلك المجال تخير وحدك
- خاصية نتاع تجيب رقم هاتف من جهات الاتصال لي عندك، مثال حاب تفليكسي لواحد ، تخير مباشرة من التطبيق الرقم لي تبعثلو
- خاصية تفعيل او تعطيل خدمات رنتي اللي تتم عبر ارسال رسالة قصيرة واللي التطبيق راح يخدملك الرسالة ماعليك غير تخير الشريحة و تبعثها بنفسك(التطبيق مايبعثش الرسالة قصيرة وحدو احتراما لسياسة بلاي ستور اللي تمنع هاذ الشي)
- يدعم 3 لغات العربية، الفرنسية و الانجليزية
- يدعم الوضع الليلي
التطبيق متوفر في قوقل بلاي
التطبيق من صنعي الخاص، اذا فيه اي استفسار، طلب، حاجة ماعجباتكش او حاب تزيد فيه حاجة، راسلوني في الفايسبوك
في الاخير ادعوا لخوكم، سلام 😇❤️
Comments
Post a Comment